ആത്മാവിന്റെ വിലാപം !

അസ്ഥികളിൽ തണുപ്പ് തുളഞ്ഞുകയറിയ സമയം

സുഖ നിദ്രയിൽ നിന്നും ഞാൻ നെട്ടിയുണർന്നു !

ആരോ എന്റെ മേൽ വെള്ളത്തുണികൊണ്ട് മുടിയിരിക്കുന്നു 

അപ്പോൾ ഞാൻ വിവസ്ത്രനും നിസ്സഹായനുമാണെന്നറിഞ്ഞു.

എന്റെ ചുറ്റും കഴുകനെപോൾ ചിലർ വട്ടമിടുന്നു !

എന്താണെനിക്കെന്നുള്ള ചോദ്യം അവഗണിച്ചു ചിലർ കരയുന്നു

ഒരു നേരത്തെ ഭക്ഷണത്തിനു വേണ്ടി കൈനീട്ടിയപ്പോൾ  

മുഖം തിരിച്ചവരല്ലാം എന്നെ നോക്കി വിതുമ്പുന്നു.

അതു കണ്ടു ഞാൻ ആർത്തുചിരിച്ചെങ്കിലും അവരതുകേട്ടില്ല    

ചിലരർ വന്നു ഇളം ചൂടുവെള്ളത്തിലെന്നെ കുളിപ്പിച്ചു

എന്റെ കൈ കാലുകളെ ബന്ധസ്ഥനാക്കി! 

ആൽകുട്ടത്തിനു നടുവിലേക്ക്

തുണിയിൽ പൊതിഞ്ഞെന്നെയവർ കാഴ്ചവെച്ചു 

ഞാനുറക്കെ പറഞ്ഞു, എന്റെ കാഴ്ചയെ മറക്കല്ലേ

ഞാനൊന്ന് കാണട്ടെ നിങ്ങളെയൊക്കെ ഒരിക്കൽകുടി  

ഞാനൊന്ന് യാത്രയെങ്കിലും ചോദിക്കട്ടെ!

എന്റെ പറച്ചിലുകളെല്ലാം  അവരവഗണിച്ചു.  

ചിലർ വന്ന് എന്നെ പൊക്കിയെടുത്തു നടന്നു.

കുട്ടനിലവിളിയുയർന്നു  

അതിലെ ഉച്ചത്തിലെ നിലവിളി 

ആരുടെതാണെന്ന് അറിയാമെങ്കിലും ഞാനതാസ്വതിച്ചു.

തിരിഞ്ഞോടാൻ ഭാവിച്ചങ്കിലും ബന്ധസ്ഥനാണെന്ന

സത്യം ഞാൻ തിരിച്ചറിഞ്ഞു
  

എന്റെ അമ്മ,ഭാര്യ,മക്കൾ, മറ്റുള്ളവർ അവരിലാരുടെ

ശബ്ദമാണ് എന്റെ കർണ്ണപുടത്തിലുടെ തുളച്ചുകയറുന്നത്?

ഒന്ന് താഴെയിറക്കു ഞാനൊന്ന് കാണട്ടെ ഒരിക്കൽ കൂടി...   

എന്നെ ചുമക്കുന്നരെ നിങ്ങൾ ഭാഗ്യവാൻമാരൊല്ലൊ 

നിങ്ങള്ക്കിനിയും ജീവിക്കാം ഈ ലോകത്തിൽ 

എന്നെ നശിപ്പിച്ചത് പോലെ  നിങ്ങളെ നശിപ്പിക്കല്ലേ.... .