ഒരു വിവാഹിതയുടെ പ്രണയം

നിശബ്ദതയുടെ താഴ്വരപോലെ തോന്നിക്കുന്ന ഒരു നീണ്ടവരാന്തയില്‍ മരുന്നുകളുടെ ഗന്ധം ശ്വസിച്ചുകൊണ്ട് എന്തോചിന്തിച്ചു നടക്കവേ അവന്റെ മുന്നിലുടെ ചിത്രശലഭത്തെപോലെ പല വര്‍ണ്ണങ്ങളാല്‍പൊതിഞ്ഞ ഉടുപ്പിട്ട ഒരുപെണ്‍കുട്ടി കടന്നുപോയി. അവനെ മറികടന്നതും തിരിഞ്ഞുനോക്കികൊണ്ട്‌ നിഷ്കളങ്കമായി പുഞ്ചിരിച്ചു, തിരിച്ചൊന്നു പുഞ്ചിരിക്കാന്‍ ശ്രമിക്കുമ്പോഴേക്കും അവള്‍ ഇളം കാറ്റിന്റെ തലോടലേറ്റ അപ്പൂപ്പന്‍ താടിപോലെ മുന്നോട്ടു ഒഴുകിതുടങ്ങിയിരുന്നു. പിന്നില്‍നിന്നുള്ള കാല്‍പെരുമാറ്റം കേട്ടുകൊണ്ടാണ് അവന്‍ തിരിഞ്ഞുനോക്കിയത്.തൊട്ടു പിന്നില്‍ ഒരു യുവതി നടന്നുവരുന്നു.നാളെയുടെ പ്രതീക്ഷകള്‍ അവളുടെ കണ്ണുകളില്‍കാണുന്നില്ല. അവനൊരുനിമിഷംനിന്നു, പിന്നെ നോക്കുമ്പോള്‍ പെട്ടന്നു ഉരുണ്ടുകുടിയ കാര്‍ മേഘങ്ങളില്‍പെട്ട പൂ൪ണ്ണചന്ദ്രന്‍ മറഞ്ഞപോലെ അവന്റെ കാഴ്ചകളില്‍നിന്നും മറഞ്ഞുപോയിരുന്നു. ഒരു പാട് കാലം പുറകിലേക്ക് നടന്ന ഓര്‍മ കള്‍ക്ക് വിരാമം കുറിച്ചത് പോക്കറ്റില്‍ കിടന്നു കരഞ്ഞ മൊബൈല്‍ ശബ്ദമാണ് ഫോണ്‍ അറ്റന്‍ഡ് ചെയ്തതും .മറുതലക്കല്‍ ഒരു സ്ത്രീ ശബ്ദം

ഹലോ സമീറല്ലേ ......?

അതെ !!!

"നീയിപ്പോളെവിടെയാണ്",ഒരുനിമിഷം അവനൊന്നുപരിഭ്രമിച്ചു എന്നിട്ട് മറുപടിപറഞ്ഞു."ഞാന്‍ നഗരത്തിലെ ഒരു ഹോസ്പിറ്റലിലാണ്

നിങ്ങളാരാണ്‌ എനിക്ക് മനസിലായില്ല



"ഞാന്‍ സല്‍മ നിന്റെ വീടിനടുത്തുള്ള സൈതുക്കന്റെ വീട്ടിലെ പണിക്കുവരുന്ന സല്മ ഞാന്‍ നിന്റെ വീട്ടില്‍ പോയിരുന്നു അവിടുന്നാണ് എനിക്ക് നിന്റെ നമ്പര്‍കിട്ടിയത്"
"ആട്ടെ എന്താണിപ്പോള്‍ വിശേഷിച്ചു"
ഞാനും ഇവിടെയുണ്ട് വന്നിട്ട് കുറച്ചുദിവസമായി,നീയൊന്നു പുറത്തെക്കുവാ"
"ഓ കെ ശരി ഞാനിതാ വരുന്നു"......

സംസാരത്തിനു വിരാമമിട്ടു കൊണ്ട് ആകാംഷയുടെ കണ്ണുകളുമായി അവന്‍ ആശുപത്രിയുടെ പുറത്തേക്കിറങ്ങിഅധികമൊന്നും അന്ന്വേഷിക്കേണ്ടി വന്നില്ല.കയ്യില്‍ എന്തോ ഒരുപൊതിയും തുക്കിപിടിച്ചു പുഞ്ചിരിച്ചു കൊണ്ടവള്‍ അടുത്ത് വന്നു മുഖവുര കൂടാതെ സംസാരിച്ചു തുടങ്ങി. അവളങ്ങിനെയാണ് വാ തോരാതെ സംസാരിച്ചുകൊണ്ടിരിക്കും, അവളിവിടെ വന്നിട്ട് കുറച്ചുദിവസമായി ചോദിച്ചപ്പോള്‍ പറഞ്ഞത് ഒരു സ്ത്രീയുടെ കൂടെവന്നതാണ് ആശുപത്രിയില്‍ ഒരുസഹായത്തിനു.സുഖമല്ലേ........ ?

ചോദ്യത്തിന് അവള്‍ചിരിച്ചുകൊണ്ടാണ് മറുപടി തന്നത്

"പരമസുഖം ദേഹമിളകി ജോലിചെയ്യേണ്ട ദിവസവും എനിക്ക് നുറ്റമ്പത് രൂപ വെച്ച് കിട്ടും ഇതിലും വലിയസുഖംഎവിടുന്നുകിട്ടാനാണ്‌.
ഒരുകുട്ടിയെ പരിപാലിക്കുക ജോലി .നിനക്കാകുട്ടിയെ കാണണോ?ഞാന്‍ കാണിച്ചുതരാം"അത് പറഞ്ഞുകൊണ്ട് അവള്‍മുന്നേ നടക്കാന്‍തുടങ്ങി.എന്ത് പറയണമെന്നറിയാതെ ഒരു നിമിഷംചിന്തിച്ചു,പിന്നെ അവളെ അനുഗമിച്ചു,,,
നടക്കുന്നതിനിടയില്‍ അവള്‍ പറഞ്ഞുതുടങ്ങി"ഒരു ചെറിയപനി വന്നതായിരുന്നു അടുത്തുള്ളആശുപത്രിയില്‍ ഒരുപാട്കാണിച്ചു അവസാനം ഇങ്ങോട്ട്‌കൊണ്ടുവന്നതാണ്. കളിച്ചുല്ലസിച്ചു നടക്കേണ്ട പ്രായത്തില്‍ മരുന്നുകളുടെമണമുള്ള നാല് ചുവരുകള്‍ക്കുള്ളില്‍ അതാലോചിച്ചപ്പോള്‍ അവന്റെ മനസ്സൊന്നുലഞ്ഞുവോ?

കാത്തിരിപ്പിനൊടുവില്‍ ഗ്ലാസ് ഡോ൪ തുറന്ന് ഒരു സ്ത്രീ സല്‍മയുടെ അടുത്തുവന്നു മരുന്നിന്റെ കുറിപ്പുംകൊടുത്ത് അവള്‍കൊണ്ടുവന്ന പൊതിയുംവാങ്ങി ഒന്നുംമിണ്ടാതെ തിരിഞ്ഞുനടക്കാന്‍ തുടങ്ങുമ്പോള്‍ സല്‍മ വിളിച്ചു."റസിയ.....
"ഇവനെന്റെ നാട്ടുകാരനാണ്, ഇവിടെ ആരയോകാണാന്‍ വന്നതാണ്.ഞാന്‍ഇങ്ങോട്ട്‌ കുട്ടികൊണ്ട് വന്നു, മോളെകാണാംഎന്നു പറഞ്ഞപ്പോള്‍ വന്നതാണ്".തിരിച്ചുനടന്നുതുടങ്ങിയിരുന്നഅവള്‍ ഒരു കൃത്രിമ പുഞ്ചിരി മുഖത്തു വരുത്തി കൊണ്ട് മോളെ ഇപ്പോള്‍ കാണാന്‍ കഴിയില്ലന്നു പറഞ്ഞു തിരിഞ്ഞു നടന്നു....

പിന്നെ യാദ്രിശ്ചികമായി അവളെ കണ്ടുമുട്ടുന്നത് ഇന്ത്യന്‍ കോഫിഹൌസില്‍ വെച്ചാണ്.മോള്‍ക്ക്‌ ചെക്കപ്പിനും വേണ്ടിവന്നതാണ് കൂടെ സല്മയുമുണ്ട് അവനെകണ്ടപാടെ സല്മവന്നു കുട്ടിയേയും സ്ത്രീയെയും പരിചയപ്പെടുത്തി .അവിടിന്നു ഇറങ്ങുമ്പോള്‍ അവരുത്തമ്മില്‍ഒരു ആത്മ ബന്ധം സ്ഥാപിച്ചിരുന്നു.നാല് ദിവങ്ങള്‍ക്കുശേഷം അവന്റെ ഫോണിലേക്ക് ഒരപരിചിത നമ്പര്‍വന്നു,മറുതലക്കല്‍ എവിടുന്നോ കേട്ട് പരിജയമുള്ളപോലെ ഒരു സ്ത്രീ ശബ്ദം!

"ഞാന്‍ റസിയ,സല്‍മയാണ് നമ്പര്‍തന്നത്,മോള് പറഞ്ഞു എനിക്ക്കാണണം സംസാരിക്കണം എന്നൊക്കെ അതുകൊണ്ട് വിളിച്ചതാണ്.അവള്‍ക്കു ഞാന്‍ ഫോണ്‍കൊടുക്കാം".ഒത്തിരിനേരംഅവളോട്‌ സംസാരിച്ചു,അവള്‍ക്കു ഒരുപാട് കാര്യങ്ങള്‍ പറയാനുണ്ടായിരുന്നു.അവളുടെ മലയാളപുസ്ത്തകത്തില്‍ ഒരു മൈല്പീലി വെച്ചിരുന്നു അതിപ്പോള്‍ പ്രസവിച്ചിട്ടുണ്ടാകും, അവളുടെ കിങ്ങിണിപുച്ച വിശന്നിരിക്കുനുണ്ടാകും.സ്കുള്‍ ഫെസ്റ്റിവേലില്‍ പങ്കെടുക്കാന്‍പറ്റിയില്ല എന്നൊക്കെ.അവളുടെ നിഷ്കളങ്ക ഭാഷയില്‍ ഒരുപാട്പരിഭവങ്ങളും സങ്കടങ്ങളുംപറഞ്ഞു.എന്തുകൊണ്ടോ അവനു കുട്ടിയെ വല്ലാതെഇഷ്ട്ടംതോന്നി.ഇടക്കിടക്കുള്ള ഫോണ്‍കോള്‍ കാരണം റസിയയുമായികുടുതലടുത്തു.അവളുടെ മനസ്സിന്റെ ഭദ്രമായി ഭാണ്ഡകെട്ട്ല്‍ സുക്ഷിച്ചുവെച്ചിരുന്ന നൊമ്പരങ്ങള്‍ അവനോടു പങ്കുവെച്ചുതുടങ്ങി.

* * * * * * * * * * * * * *

വിവാഹത്തെകുറിച്ച് സ്വപ്നംകാണാന്‍ തുടങ്ങുന്ന പ്രായത്തിനുമുമ്പേ അവളുടെ വിവാഹം പതിനാറാം വയസ്സില്‍ കഴിഞ്ഞു.അതോടുകുടി അവളുടെ സ്വപ്നത്തില്‍ കടന്നുവരാറുള്ള രാജകുമാരനെ എന്നെന്നേക്കും നഷ്ട്പെട്ടു! അവളാഗ്രഹിച്ചിരുന്ന സ്നേഹം അവനിലുണ്ടായിരുന്നില്ല. അതായിരിക്കാം ഒരു പക്ഷെ ഇതല്ലാം പങ്കുവയ്ക്കാന്‍ അവളാഗ്രഹിച്ചത്‌. ഒരു ദിവസം അവന്‍ ചോദിക്കുകയുംചെയ്തു "നീ എന്നില്‍ നിന്നും എന്താന് കാണുന്നത്,അരുതാത്തതൊന്നും നീ ആഗ്രഹിക്കരുത്.ഞാനും ഒരു വിവാഹിതനാണ്, എന്നെ മാത്രം മനസ്സില്‍ കൊണ്ട് നടക്കുന്ന ഒരു ഭാര്യ എനിക്കുണ്ട്".

അതിനുള്ള മറുപടിയായി അവള്‍ പറഞ്ഞത് "വിവാഹത്തിനു മുമ്പ് എന്റെ സ്വപ്നത്തില്‍ കടന്നുവരാറുള്ള രാജകുമാരന്‍ നിന്നെപ്പോലെ ഒരാളാണ്. ഞാന്‍ എന്ത് വേണമെന്ന് മനസ്സില്‍ ആഗ്രഹിക്കുന്നുവോ അതല്ലാം എനിക്ക് സാധിച്ചു തരാന്‍കഴിവുള്ളന്, എനിക്ക് വേണ്ടത് എന്റെ സന്തോഷത്തിലും ദുഖത്തിലും എന്നോടൊപ്പം കുടെയുണ്ടാകുന്നവനെയാണ്,അല്ലാതെ സമൂഹത്തിന്റെ മുന്നില്‍ അവതരിപ്പിക്കാന്‍ വേണ്ടിമാത്രമുള്ളവനെയല്ല;

അപ്പോള്‍ നീ പറഞ്ഞു വരുന്നത്.....? നിന്റെ മോള് .......?

അത് പന്ത്രണ്ടു വ൪ഷമുമ്പ് അയാള്‍ക്കൊരു അബദ്ധം സംഭവിച്ചതാണെന്ന് എപ്പോഴും പറയും
.ഒരു വഴിപാടുപോലെ വര്‍ഷത്തില്‍ ഒരു മാസം മുടങ്ങാതെവരും, എന്നെ ഒരു ഭാര്യയായി കണ്ടില്ലങ്കില്‍കുടി ഒരു സ്ത്രീയുടെ ഹൃദയം അയാള്‍ മനസ്സിലാക്കുന്നില്ല. പിന്നെ ഞാനെന്തു ചെയ്യും ..?എനിക്കുറപ്പുണ്ട് , നിന്നില്‍നിന്നല്ലാം കിട്ടുമെന്ന്.

എന്താ നീയൊന്നും പറയാത്തത്..............?

ഞാനെന്തു പറയാനാ, ഒരു പക്ഷെ നിന്നെ എനിക്ക് സ്വാന്തനിപ്പിക്കാന്‍ കഴിഞ്ഞേക്കാം, നിന്റെ മോഹങ്ങള്‍ നിറവേറ്റാന്‍ എനിക്ക്കഴിയില്ല, ഞാന്‍ നിസ്സഹായനാണ് ,നിനക്ക് മോള്ക്കുവേണ്ടിയെങ്കിലും എല്ലാംസഹിച്ചു ജീവിച്ചുകുടെ.......?
"ഞാന്‍ ഇന്നു ജീവിച്ചിരിക്കുന്നത്‌ തന്നെ എന്റെ മോള്‍ക്ക്‌ വേണ്ടിയാണ്.പിന്നെ നീ പറഞ്ഞകാര്യം അതിനെ കുറിച്ചൊന്നും എനിക്കറിയില്ല അത് മാത്രമല്ല ഇനിയിപ്പോള്‍ അതറിഞ്ഞിട്ടെന്തിനാ.അതിന്റെ സമയമൊക്കെ എനിക്ക് കഴിഞ്ഞില്ലേ?ചിരിച്ചുകൊണ്ടവള്‍ പറയുമ്പോള്‍ എന്ത് മറുപടി പറയണം എന്നാലോചിക്കുകയായിരുന്നു. അവന്‍ അവളില്‍ നിന്നകലാന്‍ ശ്രമിച്ചുകൊണ്ടിരുന്നു .

അങ്ങിനെയിരിക്കെ ഒരു ദിവസം അതിരാവിലെ അവള്‍വിളിക്കുന്നു,"നിന്നെ കുറേകാലമായി വീട്ടിലേക്കു ക്ഷണിക്കുന്നു, ഓരോ തവണയും നീ ഒഴിഞ്ഞുമാറുകയാണ്, ഇപ്പോള്‍ നിന്റെ സ്വരത്തിലെ വ്യത്യാസം എന്നെ വല്ലാതെഭയപ്പെടുത്തുന്നു. ഇന്നു പതിനൊന്നു മണിക്ക് വീട്ടിലേക്കുവരണം, ഇതവസാനത്തെ ക്ഷണിക്കലാണ് നീ വന്നില്ലങ്കില്‍ നിന്നെ ഒരിക്കലും ശല്യപെടുത്താന്‍ ഞാനുണ്ടാവില്ല ഞാന്‍ കാത്തിരിക്കും"അവന്റെ മറുപടിക്ക് കാത്തു നില്‍ക്കാതെ ഫോണ്‍കട്ട് ചെയ്യുകയുംചെയ്തു,....

പത്തുമണിക്ക് കുളിച്ചൊരുങ്ങി പ്രിയതമയോടു ഒരു സുഹ്൪ത്തിനെ അത്യാവശ്യമായി കാണാന്‍ പോവുകയാണ് എന്നു പറഞ്ഞു യാത്രയാകുമ്പോള്‍ കുറ്റബോധം കൊണ്ട് അവന്റെ ശിരസ്സ്‌ താഴ്ന്നിരുന്നു. മുമ്പ് ഒരുപാട് തവണ വഴി പറഞ്ഞുതന്നതുകൊണ്ടു വീടും വഴിയും ഹൃദിസ്ഥമായിരുന്നു, യാത്രയിലുടനീളം അവന്റെ ഹൃദയം പ്രക്ഷുബ്ദമായിരുന്നു,ഞാന്‍ ഇതുവരെ ഭാര്യയുടെ കൂടെമാത്രം പങ്കുവെച്ച ശരീരം അവളുടെ ആഗ്രഹത്തിന് മുന്നില്‍ കീഴടങ്ങുവോ.....?

മെയിന്‍റോട്ടില്‍ നിന്നും ഇടത് വശത്തേക്കുള്ള റോഡിലേക്ക് വണ്ടിതിരിക്കുംമ്പോള്‍ ഹൃദയമിടിപ്പ്‌ വര്‍ദ്ധിച്ചുകൊണ്ടിരുന്നു മോളുടെ പേരുവെച്ച ഗെയ്റ്റു കടന്നു. എപ്പോഴും ഗെയ്റ്റ് അടച്ചിടാറുള്ളഅവള്‍ ഞാന്‍ വരും എന്നുറപ്പുള്ളത് കൊണ്ടാകാം ഇരുമ്പ് കവാടം മലര്‍ക്കെ തുറന്നു വെച്ചത്.

ശരീരം തളര്‍ന്നുപോകുന്നുണ്ടെങ്കിലും അതൊന്നും വകവെക്കാതെ മുഖത്തു ഒരു പുഞ്ചിരി വെച്ചുകൊണ്ട് ബെല്ലില്‍ വിരല്‍ വെച്ചതും, ഒരു മാലാഖകുഞ്ഞുപോലെ വെള്ളയുടുപ്പിട്ട മോള്‍ വാതില്‍ തുറന്നു അകത്തേക്ക് ക്ഷണിച്ചു.സോഫയിലിരിക്കുമ്പോള്‍ അവള്‍ ചോദിച്ചു"നല്ല തണുപ്പുണ്ടല്ലോ പിന്നെന്താ അങ്കിള്‍ വിയര്‍ക്കുന്നത്", അപ്പോഴാണ് തലയ്ക്കു മുകളില്‍ വാശിയോടെ കറങ്ങുന്ന ഫാന്‍ കാണുന്നത്.

"ഉമ്മയെവിടെ....... ?

ഒരു വശത്തേക്ക് കൈ ചുണ്ടികൊണ്ടവള്‍ "ദാ വരുന്നു".അവള്‍ക്കിന്നു പതിവിലേറ സൌന്ദര്യം ഉണ്ടെന്നു അവനുതോന്നി, അവളുടെ മുഖത്തെ ഭാവംകണ്ടപ്പോള്‍ എന്നോ നഷ്ട്ടപെട്ടു. ഒരിക്കലും തിരിച്ചുകിട്ടില്ലാന്നു കരുതിയ നിധി കയ്യെത്തും ദൂരത്തു എത്തിയതുപോലെ.വിശേഷങ്ങള്‍ പങ്കുവെക്കുമ്പോള്‍ , മോള്‍ ടെലിവിഷന്റെ മുന്നില്‍ ടോമിന്റെയും ജെറിയുടെയും കുസൃതികളിൽ മുഴുകിയിരിക്കുകയാണ് .

"സമീ൪ നീ എന്റെ വീട്ടില്‍ വന്നിട്ട് എന്താ ഇത്ര ധ്രിതി, വാ നിനക്ക് വീട് മുഴുവന്‍ കാണണ്ടേ" അതും പറഞ്ഞുകൊണ്ടവള്‍ വീടിന്റെ അകത്തളങ്ങളിലേക്ക് നടക്കുമ്പോള്‍ അവന്‍ അവന്റെ മന:സാക്ഷിയുമായി സംവാദത്തിലായിരുന്നു!
ഇവ൪ എന്നില്‍നിന്നും എന്താന് പ്രതീക്ഷിക്കുന്നത്.........? അവളുടെ കാമം അടക്കുവാനുള്ള വെറുമൊരു ഉപകരണമോ..........? അതോ അവളുടെ സ്വപ്നത്തിലെ രാജകുമാരനെ തിരിച്ചു കിട്ടുമെന്നുള്ള തോന്നലോ......?

കഴുത്തിനു പിന്നില്‍ തണുപ്പുള്ള എന്തോ ഇഴയുന്നതുപോലെ തോന്നിയപ്പോഴാണ് അവനു സ്ഥലകാല ബോധമുണ്ടായത്.
നോക്കുമ്പോള്‍ വൃത്തിയോടെ ഒരുക്കിവെച്ചിരിക്കുന്ന ഒരു ബെഡ്റൂമിലായിരുന്നു അവന്‍ ! അവന്റെ സിരകളില്‍ ചുട്‌ കയറി തുടങ്ങിയിരുന്നു. അപ്പോളേക്കും നാഗത്തെപോലെ വലിഞ്ഞുമുറുക്കികൊണ്ടവള്‍ എന്തോക്കയോ പുലംമ്പുന്നുണ്ടായിരുന്നു.

തിരിഞ്ഞു നിന്ന് അവളുടെ കവിളിലും മുടിയിഴകളിലും തലോടികൊണ്ടാവന്‍ പറഞ്ഞു "അരുതാത്തത് ഒന്നും സംഭവിക്കരുത് , എനിക്കും നിനക്കും കുടുംബമുണ്ട് നീ മറ്റരാളുടെ ഭാര്യയാണ്, എന്നില്‍ പൂ൪ണ്ണ വിശ്വാസമുള്ള പങ്കാളി എനിക്കുമുണ്ട്, നമ്മള്‍ അവരെ വഞ്ചിക്കുകയല്ലേ? എനിക്ക് നിനക്ക് വേണ്ടി തരാനുള്ളത്‌ ഇത്രമാത്രം, കുടുതലോന്നും നീ എന്നില്‍ നിന്ന് പ്രതീക്ഷിക്കരുത് "എന്ന് പറഞ്ഞുകൊണ്ട് അവളുടെ കരവലയത്തില്‍ നിന്നുകൊണ്ട് മൂ൪ധാവില്‍ ഒരു ദീ൪ഘ ചുംമ്പനം നല്‍കി യാത്രപോലും പറയാതെ അവനിറങ്ങുമ്പോള്‍ അവളുടെ തേങ്ങല്‍ അവന്റെ കാതുകളില്‍ മുഴങ്ങുന്നുണ്ടായിരുന്നു.